Wajood e Haq Khursheed e Nabuwat

وجودِ خاک خورشیدِ نبّوت کی قبا ٹھہرا تو چشمِ آدمیّت میں جمالِ مصطفےٰؐ ٹھہرا

محمدؐ کی بڑائی کا ثبوت اتنا ہی کافی ہے تریسٹھ سال کا سارے زمانوں سے بڑا ٹھہرا

جناب نوح کی پسلی پہ آقاؐ کی رہائش تھی سفینہ اس لئے کہسار کی چوٹی پہ جا ٹھہرا

More Lyrics, Less Storage - Install the App and Ditch the Screenshots!

اُسی کی انگلیوں میں وقت کے دونوں سرے دیکھے کہیں وہ ابتدا ٹھہرا کہیں وہ انتہا ٹھہرا

اسی کی ٹھوکروں میں منزل مقصود رہتی تھی اُسی کی جھونپڑی میں زندگی کی ارتقا ٹھہرا

یہودی کی غلاظت دھوئی جس نے اپنے ہاتھوں سے وہی تہذیب و اخلاقِ جہاں کا مدّعا ٹھہرا

تصور سے بھی اس کے روح کو خوراک ملتی ہے جو ریگستان و صحرا میں سمندر کی ہوا ٹھہرا

مظفر کی ہمیشہ سر پرستی کی درودوں نے درودوں کی بدولت درخورِ قرب خدا ٹھہرا