Wajood e Arz o Samaa Hai

Wujood-e-arz-o-sama hai tum se Khuda haqeeqi Khuda hai tum se

Chupe hue ka zahoor tum ho Main kya kahoon kya huzoor tum ho

Azal ka ailan jab hua tha jabhi tumhein wasl-e-Rabb hua tha

Tumhara ism-e-girami sun kar zamana Adam nasab hua tha

Find Your Favorite Lyrics Anytime, Anywhere - Install the App Today!

Tumhari ijad hai yaqeen tumhara shagird hai tamaddun

Tamam subhon ka noor tum ho Main kya kahoon kya huzoor tum ho

Khuda ne is dil pe bhi utara Sahifa-e-aarzoo tumhara

Tumhare pairon se gard urkar bani, meri subah ka sitara

Meri tamanna-e-har amal tum meri duaon ka mahasil tum

Meri talab ka guroor tum ho Main kya kahoon kya huzoor tum ho

Tumhare zarre nujoom Aaqa tumhari khalwat hujoom Aaqa

Madinah ilm hi nahin ho ho kainat-e-ilm Aaqa

Yaqeen ki tehreek tum se li hai shaoor ki bheek tum se li hai

Mata-e-taht-ush-shaoor tum ho Main kya kahoon kya huzoor tum ho

Na bandagi phir achoot thehri azaan, marg-e-sukoot thehri

Kisi ne dekha na tha Khuda ko sada tumhari suboot thehri

Zameen ke mohsin falak ke mohsin mujh jaise aasi talak ke mohsin

Na dil na aankhon se door tum ho Main kya kahoon kya huzoor tum ho

Hawas mujhe jitni baar kheeche tumhari rehmat hisaar kheeche

Khuda ko kitna azeez hoga jise Muhammad ﷺ ka pyar kheeche

Tumhare darya se chal ke lehrein meri had-e-tishnagi mein thehrein

Mera jahan-e-suroor tum ho Main kya kahoon kya huzoor tum ho

Main jab se midhat sara hua hoon jabhi se sara hara hua hoon

Magar yeh lagta hai ab bhi mujh ko keh laghzishon se bhara hua hoon

Ziya-e-aamaal kitni kam hai Khuda ka phir bhi bada karam hai

Karam ke peeche zaroor tum ho Main kya kahoon kya huzoor tum ho