Wajood Chahay Farishto

Wajood chahe farishto adam mein rakh dena Charagh-e-dil mera taaq-e-haram mein rakh dena

Mah-o-nujoom mujhe ek naat likhni hai Tamam roshni mere qalam mein rakh dena

Kahan amal mere, mizan-e-kardgar kahan Mujhe to saya-e-khair-ul-umam mein rakh dena

Stop Wasting Storage - Download Lyrics in Lightweight Text Format!

Madine jaate hue jis qadar karoon sajde Mere huzoor ki rahl-e-qadam mein rakh dena

Durood aap par bheje baghair saans na loon Yeh bhook bhi mere maula shikam mein rakh dena

Mataa-e-ashk bhi Aaqa qubool hai mujh ko Tasawwur apna magar chashm-e-nam mein rakh dena

Baqaya umar bhi hai kaatni Muzaffar ko Umeed-e-wasl, judai ke gham mein rakh dena