Wajood Chahay Farishto

وجود چاہے فرشتو عدم میں رکھ دینا چراغِ دل مرا طاقِ حرم میں رکھ دینا

مہ و نجو م مجھے ایک نعت لکھنی ہے تمام روشنی میرے قلم میں رکھ دینا

کہاں عمل مرے ، میزانِ کردگار کہاں مجھے تو سایہء خیر الاُمم میں رکھ دینا

مدینے جاتے ہُوئے جس قدر کروں سجدے مرے حضور کی رحلِ قدم میں رکھ دینا

درود آپ پر بھیجے بغیر سانّس نہ لوں یہ بھُوک بھی مرے مَولا شکم میں رکھ دینا

متاعِ اشک بھی آقا قبول ہے مُجھ کو تصوّر اپنا مگر چشمِ نم میں رکھ دینا

بقایا عمر بھی ہے کاٹنی مظفّؔر کو اُمیدِ وصل ، جُدائی کے غم میں رکھ دینا