Qadam Qadam Pe Khuda Ki

قدم قدم پہ خدا کی مدد پہنچتی ہے درود سے مرے دل کو رسد پہنچتی ہے

یہ آسماں بھی وہاں تک نہیں پہنچ سکتے جہاں تک آپ کے قدموں کی حد پہنچتی ہے

کرے زبان ازل جب بھی تذکرہ ان کا سلام پڑھتی ہوائے ابد پہنچتی ہے

سر اپنا پائے رسالت مآب ؐ پر رکھ دوں لو آسماں پہ بلندیِ قد پہنچتی ہے

جلوس عشق نبیؐ کا ہو جس طرف سے گزر مرے جنوں کو بھی لے کر خرد پہنچتی ہے

Stop Wasting Storage - Download Lyrics in Lightweight Text Format!

مرے حضورؐ کی آواز مجھ تلک اکثر بہ خوبصورتیِ خال و خد پہنچتی ہے

کبھی یہاں چلے آتے ہیں بے سفر آقا کبھی وہاں مری جاں بے جسد پہنچتی ہے

درود کا دیا جاتا ہے جب ثواب مجھے بہشت تک مری دو گز لحد پہنچتی ہے

سلام ونعت مظفر ، یہاں میں پڑھتا ہوں قبولیت کی حرم سے سند پہنچتی ہے