Waali e Deeda o Dil

Wali-e-deeda-o-dil, Mahi-o-Hashir mere Tere mehkoom hain makhfi-o-mazahir mere

Teri dehleez ki khairat, mera shauq-o-talab Teri khushbu teri aawaaz manazir mere

Apne qadmon se sar-a-fraz mujhe bhi farma Main bhi chhota sa Madinah hoon muhajir mere

Why Screenshot When You Can Download? Get the App for Efficient Storage!

Tere bazaar mein bikne ke liye aaya hoon Katibeen aur Nakeerein hain tajir mere

Jism mera hai yahan, saans wahan leta hoon Sabz gumbad ki taraf urte hain tair mere

Daud jayen teri sheeriniyan shiryanon mein Kash jali ki teri honth chhuyen phir mere

Meri beenai kisi aur ki maqrooz nahin Mujh mein hain sirf tere rang musawwir mere

Naam hoga mera, fehrist-e-karam mein unki Main ghulam unka hoon aaqa hain woh aakhir mere

Mera har saans Muzaffar hai unhi ka sadqa Maala maal unki mohabbat se, zakhair mere