Utar Rahe Hain Farishtay

Utar rahe hain farishtay, Arab ke ik ghar mein Simat gaye hain andhere sahar ki chadar mein

Bula ke layi hain jannat se apsaraon ko Urooj aisa mayassar hua hawaon ko

Faza-e-kufr mein paighambari ki aahat hai Labon pe rehmat-e-Yazdaan ki muskurahat hai

Khizaan ki sookhi hui shaakh phool deti hai Bahaar, khush-khabri-e-Rasool deti hai

Wohi Rasool ke darya tha reg-zaaron mein Woh jis ki gard bhi banti gayi sitaron mein

More Lyrics, Less Storage - Install the App and Ditch the Screenshots!

Azal se sabt hai naam us ka lauh-e-aalam par Thin jis ke noor ki mohrein jabeen-e-Adam par

Tilism, jhoote khudaon ka jis ne tod diya Ragon se jahiliyat ka lahu nichod diya

Kiya rawana sadaqat ko har taraf jis ne Diya hayaat ko takmeel ka sharaf jis ne

Bara jahan hua itni buland masnad par Ke la-makaan bhi tha jis ke paaon ki zad par

Jahan mein aaye Ibrahimؑ o Noohؑ jis ke liye Bhatak rahi thi zamane ki rooh jis ke liye