Unka Naqsh e Qadam Chahiye

Un ka naqsh-e-qadam chahiye Roshni ka alam chahiye

Mil toh jaayega ishq-e-Rasool ﷺ Bas wahi chashm-e-nam chahiye

Aainon ki zaroorat nahi Aks-e-Khair-ul-Amam chahiye

Mujh se le lo meri har khushi Bas Muhammad ﷺ ka gham chahiye

Aakhri saans loon un ke paas Zindagi marte dam chahiye

Why Screenshot When You Can Download? Get the App for Efficient Storage!

Sair karni hai aflak ki Sar-e-zameen-e-Haram chahiye

Ho bhi ja dil fana-fi-Rasool ﷺ Hasti-e-be-adam chahiye

Ho hi jaayega raazi Khuda Mustafa ka karam chahiye

Jis se naatein likhoon arsh par Woh Muzaffar qalam chahiye