Tumhein Chaha Hai

Tumhein chaha hai sarsath saal abhi toh Yeh dhadkan chalte chalte ruk gayi toh

Banam-e-zindagi kya tum se maangoon Bohat hi mukhtasar hai zindagi toh

Alihda ho ke qadmon se tumhare Bohat hi gir gaya hai aadmi toh

Charagh-e-rah hai saya tumhara Adam tak jaye gi yeh roshni toh

Your Lyrics, Even Offline - Install the App for Free!

Lahu ki aag par daalo na paani Riyazat ka safar hai tishnagi toh

Hamesha se faqeer-e-Mustafa ﷺ hoon Azal se hain yeh aankhein bhik mangi toh

Jamal-e-Mustafa ﷺ dam bhar thahar ja Nazar ke jaam khaali hain abhi toh

Jabhi toh khubsurat lag raha hoon Mera husn-e-nazar hain Aap ﷺ hi toh

Bartne par Muzaffar munhasir hai Yeh duniya bhi hai kehne ko buri toh