Tumhein Chaha Hai

تمہیں چاہا ہے سڑسٹھ سال ابھی تو یہ دھڑکن چلتے چلتے رک گئی تو

بنام زندگی کیا تم سے مانگوں بہت ہی مختصر ہے زندگی تو

علیحدہ ہو کے قدموں سے تمہارے بہت ہی گر گیا ہے آدمی تو

چراغِ راہ ہے سایہ تمہارا عدم تک جائے گی یہ روشنی تو

لہو کی آگ پر ڈالو نہ پانی ریاضت کا سفر ہے تشنگی تو

ہمیشہ سے فقیر مصطفےٰؐ ہوں ازل سے ہیں یہ آنکھیں بھک منگی تو

No More Screenshots! Save Storage with Our Lyrics App!

جمال مصطفےٰؐ دم بھر ٹھہر جا نظر کے جام خالی ہیں ابھی تو

جبھی تو خوبصورت لگ رہا ہوں مرا حسنِ نظر ہیں آپؐ ہی تو

برتنے پر مظفر منحصر ہے یہ دنیا بھی ہے کہنے کو بُری تو