Aaj Hai Uss Nabi Ki Wiladat Ka Din

آج ہے اُس نبی کی وِلادت کا دِن سارے نبیوں کی جس کو اِمامت مِلی

ہر گھڑی، اُس گھڑی کا قصیدہ پڑھے خاک کو جب سِتاروں کی عظمت مِلی

جھُوٹی معبود یت مُنّہ کے بَل گِر پڑی صحنِ کعبہ کو سچّی عبادت مِلی

دستِ بُوجہل میں بول اُٹھیں کنکریں بے زبانوں سے حق کی شہادت مِلی

پہنّچی اِنسانیّت اپنی مِعراج کو آدمی کو خُدا کی خلافت مِلی

فرش سے عرش تک خیر مقدم ہُوا جِس کو اَرض و سما کی قیادت مِلی

Never Be Without Your Favorite Lyrics - Get the App for Offline Access!

جس نے آنسُو بہائے ہمارے لیے جس کو ہم سی گُنہ گار اُمّت مِلی