Tumhare Muqadar Pe

Tumhare muqaddar pe rashk aa raha hai Madine ka tum ko bulawa mila hai

Khuda aur Nabi ka karam ho gaya hai Safar su-e-Taibah meri aal ka hai

Sabhi bachiyon ke bahmrah maan baap Chala hajj ko nanha sa yeh qafila hai

Khuda-e-Muhammad ho haami-o-nasir Safar khairiyat se ho meri dua hai

Zuban aur aankhon ka qufl-e-Madinah Laga lo tumhara isi mein bhala hai

Tum ehram mein khoob labbaik parhna Sawab is mein la-raib had se siwa hai

Hijaz-e-Muqaddas ki galiyon mein hargiz Na tum thookna yeh meri iltija hai

Adab khoob Makke Madine ka karna Yahi awliya ka tariqa raha hai

Jo hai ba-adab woh bara ba-naseeb aur Jo hai be-adab woh nihayat bura hai

Nazar pyare Kaabe pe pehli pare jab To ro ro ke karna dua mashwara hai

Wahan khoob ro ro ke karna duayein Ke dar har ghari rahmaton ka khula hai

Nazar sabz gunbad ko jis waqt choome Adab se jhuka lena sar iltija hai

Durood-o-salam aur naaton ki dhoomein Machana ke yeh rooh-o-dil ki ghiza hai

Ibadat riyazat tilawat se ghaflat Na karna ke mauqa sunehri mila hai

Get Lyrics On-The-Go! Download Our App Now!

Madine mein Makke mein ik ek Quran Jo karta hai khatam us ki to baat kya hai!

Kharidariyon mein tum anmol auqaat Na hargiz ganwana mera mashwara hai

Bahut khane peene se parhez karna Ke bisiar khori mein nuqsan bara hai

Pareshaniyon mein zuban band rakhna Kiye jana sabr ajr is mein bara hai

Koi jhaar de tab bhi narmi baratna Kiye jana sabr ajr is mein bara hai

Go aafaat-o-amraaz dera jamayein Kiye jana sabr ajr is mein bara hai

Tawaf-o-sa'i garcha tum ko thaka dein Kiye jana sabr ajr is mein bara hai

Mina aur Arfaat mein bheer ho gi Kiye jana sabr ajr is mein bara hai

Duayon mein Attarؔ ko yaad rakhna Salam un se kehna yahi iltija hai