Tumhara Karam Ya Habib e Khuda

Tumhara karam Ya Habib-e-Khuda hai Madine ki janib chala qafila hai

Main rah-e-Madinah ke qurban jaaun Ke is mein suroor aur maza hi maza hai

Madine mein "Qufl-e-Madinah" lagaaun Karam aap kije iradah mira hai

Ibadat se khali hai aamal-namah Siwa aansuon ke mere paas kya hai

Get Lyrics On-The-Go! Download Our App Now!

Na kyun tum pe itraye mujrim tumhara Yahan to adu bhi aman pa raha hai

Nahin janta yeh madine ke aadaab Yeh tera hai tera bhala ya bura hai

Mujhe dijiye ashkbar aankh Aaqa Yeh dil sakht, patthar se bhi ho gaya hai

Pila de chalakta hua jaam-e-ulfat Nazar teri janib lagi saqiya hai

Madad ke liye nakhuda aaiye ab Safinah hamara bhanwar mein phansa hai

Shaha qafile ke sabhi zairon ne Mere saath ahd-e-wafa kar liya hai

Tumhein laaj ahd-e-wafa ki rakhoge Ke Iblees-e-mardood peeche laga hai

Shafa'at ki khairat lene ko Attar Liye qafilah anqareeb aa raha hai