Tum Hi Ho Chain o Qarar

Tum hi ho chain aur qarar is dil-e-beqarar mein Tum hi to ek aas ho qalb-e-gunahgar mein

Rooh na kyun ho muztarib maut ke intezar mein Sunta hoon mujh ko dekhne aayenge woh mazar mein

Khaak hai aisi zindagi woh kahin aur hum kahin Hai isi zeest mein maza jo ho dayar-e-yar mein

Barish-e-faiz se hui kisht-e-amal hari bhari Khushk zameen ke din phire jaan padi bahar mein

Dil mein jo aake tum raho seene mein tum agar baso Phir ho wahi chehal pehal ujre hue dayar mein

Un ke jo hum ghulam the khalq ke peshwa rahe Un se phire jahan phira aayi kami waqar mein

Qabr ki sooni raat hai koi na aas paas hai Ik tere dam ki aas hai qalb-e-siyah kar mein

Faiz ne tere Ya Nabi kar diya mujh ko kya se kya Warna dhara hua tha kya mutthi bhar is ghubar mein

Jis ki na le koi khabar band hoon jis pe saare dar Us ka to hi hai charagar aaye tere jawar mein

Char rusul farishtey char, char kutub hain deen char Silsiley dono char char lutf-e-ajab hai char mein

Aatish-o-aab-o-khaak-o-baad in hi se sab ka hai subaat Char ka sara maajara khatm hai char yaar mein

No More Screenshots! Save Storage with Our Lyrics App!

Sar to su-e-haram jhuka dil su-e-koo-e-Mustafa Dil ka Khuda bhala kare yeh nahin ikhtiyar mein

Is pe gawah huwa-lladhi sheesha-e-haq numa Nabi Dekh lo jalwa-e-Nabi sheesha-e-char yaar mein

Salik-e-roosiyah ka munh dawa-e-ishq-e-Mustafa Paaye jo khidmat-e-Bilal aaye kisi shumar mein