Tum Chalo Hum Chalein

Tum chalo hum chalein sab Madine chalein Janib-e-Taibah sab ke safine chalein

Maikasho! aao aao Madine chalein Baadah-e-khuld ke jaam peene chalein

Jee gaye woh Madine mein jo mar gaye Aao hum bhi wahan mar ke jeene chalein

Zindagi ab sar-e-zindagi aa gayi Aakhri waqt hai ab Madine chalein

Shauq-e-Taibah ne jis dam sahara diya Chal diye hum kaha be-kasi ne chalein

Taair-e-jaan Madine ko jab ud chala Zindagi se kaha zindagi ne chalein

Jaan-e-nau rah-e-jaanan mein yun mil gayi Aankh meechi kaha be-khudi ne chalein

Rah-e-Taibah mein jab na-tawan reh gaye Dil ko kheencha kaha be-kali ne chalein

Khak-e-Taibah mein apni jagah ho gayi Khoob muzdah sunaya khushi ne chalein

Be-takalluf Shah-e-do jahan chal diye Saadgi se kaha jab kisi ne chalein

Agle pichle sabhi khuld mein chal diye Roz-e-mehshar kaha jab Nabi ne chalein

Un ki shan-e-karam ki kashish dekhna Kasa le kar kaha khusravi ne chalein

Why Screenshot When You Can Download? Get the App for Efficient Storage!

Akhtar khasta bhi khuld mein chal diya Jab sada di use murshidi ne chalein