Tujh Pe Fida Ghar Baar

من موہن نے روپ نکالا، اُس پہ فدا گھر بار لاگ لگی ہے، آگ لگی ہے، جینا ہے دُشوار تجھ پہ فدا گھر بار

رنگ شہابی، نین گلابی، مستانہ رفتار سارا جگت ہے اُس پر قرباں اس پر جان نثار تجھ پہ فدا گھر بار

جان کے کیوں انجان بنے ہو ،میں ہوں بڑی دُکھیار تجھ بن بابَل کوئی نہیں ہے بیری ہے سنسار تجھ پہ فدا گھر بار

تجھ پہ اپنا تن من واروں پھونک دوں تجھ پر رَین بے کج ہوں دیوانی توری، پیت گلے کا ہار تجھ پہ فدا گھر بار

کس کا روپ بھرا ہے تم نے، جو بن کس کا دھارا ہے میں کیا تجھ سے عشق کروں، بھگوان کو تجھ سے پیار تجھ پہ فدا گھر بار

سایہ بن کر ساتھ رہوں گی، تمرے سَگن دن رات کروں گی توری پھبن پر ہوں گی تڑپت اور چرن پروار تجھ پہ فدا گھر بار

ترپت ترپت عمر گجاری، ہونے لگی اب شام ایک نجریا تک لے مجھ کو، سن لے حالِ زار تجھ پہ فدا گھر بار

Get Lyrics On-The-Go! Download Our App Now!

تم بن چین ملا نہ کبھو بھی، کَٹھن کٹی موری رات کب سے سجریا سونی پڑی ہے اب آ جا دلدار تجھ پہ فدا گھر بار

جیسے جلے ہے بَن کر لکڑی، ایسے جلتی جاؤں جان چلی ہے بَن کر آنسو، تھام لے اے غم خوار تجھ پہ فدا گھر بار

تیرے دوارے آن پڑی ہوں تجھ پہ نجریا باندھ کھڑی ہوں پھنسی بَھنور میں موری نیّا پار کرو سرکار تجھ پہ فدا گھر بار