The Aali Martaba Sab Ambiya

Thay aali martaba sab ambiya awwal se aakhir tak Magar Sarkar sa koi na tha awwal se aakhir tak

Nikal aayen ge hal sab maslon ke chand lamhon mein Hayat-e-Mustafa ko sochna awwal se aakhir tak

Utaray jism-o-jaan par saray mausam-e-shadmani ke Badal di shehar-e-hasti ki fiza awwal se aakhir tak

Get Lyrics On-The-Go! Download Our App Now!

Jinhein Ummi laqab keh kar zamana yaad karta hai! Wohi hain hamil-e-ilm-e-Khuda awwal se aakhir tak

Farishton ne meri loh-e-amal par roshni rakh di Sana khwan-e-Muhammad likh diya awwal se aakhir tak

Mili hai kasa-e-fan ko mere khairat-e-Taiba se Mira deewan hai un ki ata awwal se aakhir tak

Bahar-e-naat se baagh-e-sukhan lehka Sabih aisa Taro-taza rahi fasl-e-nawa awwal se aakhir tak