Kabay Ki Ronaq Kabay Ka Manzar

Kaabe ki raunaq kaabe ka manzar Allah-u-Akbar Allah-u-Akbar Dekhoon toh dekhe jaaun barabar Allah-u-Akbar Allah-u-Akbar

Hamd-e-Khuda se tar hain zabaanein Kaanon mein ras gholti hain azaanein Bas ik sada aa rahi hai barabar Allah-u-Akbar Allah-u-Akbar

Tere haram ki kya baat Maula Tere karam ki kya baat Maula Ta-umr kar de aana muqaddar Allah-u-Akbar Allah-u-Akbar

Maangi hain main ne jitni duaein Manzoor hongi, maqbool hongi Meezab-e-rehmat hai mere sar par Allah-u-Akbar Allah-u-Akbar

Find Your Favorite Lyrics Anytime, Anywhere - Install the App Today!

Yaad aa gayin jab apni khataein Ashkon mein dhalne lagi iltajaaein Roya ghilaf-e-Kaaba pakar kar Allah-u-Akbar Allah-u-Akbar

Bheja hai jannat se tujh ko Khuda ne Chooma hai tujh ko mere Mustafa ne ﷺ Ae Hajar-e-Aswad tera muqaddar Allah-u-Akbar Allah-u-Akbar

Maula Sabeeh aur kya chahta hai Bas maghfirat ki ata chahta hai Bakhshish ke taalib pe apna karam kar Allah-u-Akbar Allah-u-Akbar