Teri Chokhat Pe Jo Sar Apna

Teri chaukhat pe jo sar apna jhuka jaate hain Har bulandi ko wahi neecha dikha jaate hain

Sarfarazi-e-ajal un ko mila karti hai Nakhwat-e-sar jo tere dar pe mita jaate hain

Doobe rehte hain teri yaad mein jo shaam-o-sehar Doobton ko wahi saahil se laga jaate hain

Ae Maseeha tere beemar hain aise beemar Jahan bhar ka dukh dard mita jaate hain

Why Screenshot When You Can Download? Get the App for Efficient Storage!

Marne wale rukh-e-zaiba pe tere jaan-e-jahan Aish-e-javeed ke asraar bata jaate hain

Aasmaan tujh se uthaye na uthenge sun le Hijr ke sadme jo ush-shaq utha jaate hain

Zikr-e-Sarkar bhi kya aag hai jis se Sunni Baithe baithe dil-e-Najdi ko jala jaate hain

Jin ko sheereeni-e-Milad se ghin aati hai Aankh ke andhe unhein kauwa khila jaate hain

Dasht-e-Tayyab mein nahi keel ka khatka Akhtarؔ Naazuk andaam wahan barahna pa jaate hain