Tere Lahu Ko Jab

Tere lahu ko jab lahu mera bulaye ga Awaaz de ke khud hi sawera bulaye ga

Letay rahay jo tere usoolon se mashwaray Manzil ki samt raasta tera bulaye ga

Hum pehlay tujh se dhoop mein khilna to seekh lein Phir chhaon mein bhi abar ghaneera bulaye ga

Buniyaad mein bharein hum agar teri aahtein Be-ghar musafiron ko basera bulaye ga

Bai'at agar na ki gayi zaalim ke haath par To khud hi roshni ko andhera bulaye ga

Stop Wasting Storage - Download Lyrics in Lightweight Text Format!

Apnon ki saazishon se agar ba-khabar rahay Dhokay se phir na koi luteera bulaye ga

Tan par lahu pehan ke Muzaffar chalay agar Apni taraf Husaini phereera bulaye ga