Tere Ashiqon Ka Hai Ashiq Zamana

Tere aashiqon ka hai aashiq zamana Faqiron ke andaaz bhi khusrawana

Shaha, meri aankhon mein aansoo nahin hain Yeh kisht-e-judai ka hai aabyana

Zabaan par hain teri mohabbat ke daawe Magar apne kirdar hain baghiyana

Tere raaston mein fana hone wale Ibadat bhi karne lage tajirana

Jo karte hain dunya ki mansooba bandi Woh hain apni hi saazishon ka nishana

Woh khaif hain baatil ki chingariyon se Banate the jo barq par aashiyana

Never Be Without Your Favorite Lyrics - Get the App for Offline Access!

Badan ek chehre hain do do hamare Sukhan nasiihana amal ghasibana

Nikalna hai Aqa hamain sab se aage Hamain kijiye su-e-maazi rawana