Tekhleeq Hua Hi Nahi

Takhleeq hua hi nahi paikar koi tum sa Allah sa koi na paighambar koi tum sa

Tareekh ke safhaat bhi dikhla nahi sakte Maidan si tanhai mein lashkar koi tum sa

Utna hi talab-gaar hoon tum jitne sakhi ho Mujh sa koi pyasa na samundar koi tum sa

Ehsaas ko beenayi ki taufeeq bhi de do Ashkon se simat-ta nahi manzar koi tum sa

Aflak bhi dekhein tumhein sar oopar utha kar Dekha na bulandi ne qad-awar koi tum sa

Offline Lyrics Anytime, Anywhere - Download the App Today!

Sunne chale aate hain uloom-e-falak-o-farsh Taqreer kare jab sar-e-minbar koi tum sa

Kehne ko toh kehte hain sabhi naat Muzaffar Kam kam nazar aata hai sana-gar koi tum sa