Tekhleeq Hua Hi Nahi

تخلیق ہوا ہی نہیں پیکر کوئی تم سا اللہ سا کوئی نہ پیمبر کوئی تم سا

تاریخ کے صفحات بھی دکھلا نہیں سکتے میدان سی تنہائی میں لشکر کوئی تم سا

اُتنا ہی طلب گار ہوں تم جتنے سخی ہو مجھ سا کوئی پیاسا نہ سمندر کوئی تم سا

احساس کو بینائی کی توفیق بھی دے دو اشکوں سے سمٹتا نہیں منظر کوئی تم سا

افلاک بھی دیکھیں تمہیں سر اوپر اٹھا کر دیکھا نہ بلندی نے قد آور کوئی تم سا

سننے چلے آتے ہیں علوم فلک و فرش تقریر کرے جب سرِ منبر کوئی تم سا

Free Up Space - Get Lyrics Without Bulky Screenshots!

کہنے کو تو کہتے ہیں سبھی نعت مظفر کم کم نظر آتا ہے ثنا گر کوئی تم سا