Tehleeq Yeh Jahan Hua

Takhleeq, yeh jahan hua aap ke tufail Hum ko mila Huzoor, Khuda aap ke tufail

Kohsar-e-abr thehre hue hain khalaon mein Chalti hai paniyon pe hawa aap ke tufail

Tehzeeb ka alam liye nikli darindagi Cheekhon se geet banta gaya aap ke tufail

No Internet? No Problem! Get the App for Offline Lyrics!

Talwar cheen li gayi zalim ke haath se Mazloom sar utha ke chala aap ke tufail

Sachaiyaan tulu huin ghar se aap ke Haq ki hui buland sada aap ke tufail

Sehraon mein sabeel lagi sirf aap ki Toofan mein charagh jala aap ke tufail

Kitni chamak rahi hai Muzaffar ki zindagi Zarra yeh aaftab bana aap ke tufail