Tarany Mustafa Ke Jhoom Kar

Tarane Mustafa ke jhoom kar parhta hua nikle Yun hajj ko "chal Madinah" ka watan se qafila nikle

Never Be Without Your Favorite Lyrics - Get the App for Offline Access!

Nazar jab sabz gumbad par pare ghash kha ke gir jaaun Tere qadmon mein jaan-e-muztarib Ya Mustafa nikle

Agar mizan pe peshi ho gayi toh haaye! barbadi! Gunahon ke siwa kya mere naame mein bhala nikle

Karam se us ghari Sarkar! parda aap rakh lena Sar-e-mahshar mere aibon ka jis dam tadhkira nikle

Nazar aayen joon hi Sarkar mahshar mein mere lab se Yeh naara Ya RasulAllah ka be-sakhta nikle

Agarche daulat-e-duniya meri sab chheen li jaaye Mere dil se na hargiz Ya Nabi teri wila nikle

Parosi khuld mein ya Rab bana de apne pyare ka Yehi hai aarzoo meri yehi dil se dua nikle

Tujhe hargiz gawara ho nahi sakta ke mahshar mein Jahannam ki taraf rota hua tera gada nikle

Rasul-e-Pak se mera salam-e-shauq keh dena Qareeb-e-gumbad-e-khazra tu jab baad-e-saba nikle

Talatum-khez maujen hain thapeeron par thapeere hain Meri naiyya bhanwar se ab salamat nakhuda nikle

Ilahi maut aaye gumbad-e-khazra ke saaye mein Madine mein janaza dhoom se Attar ka nikle