Takta Hai Sue Gunbad-e-Khizra Bachashm-e-Nam

Takta hai sooye gumbad-e-khizra ba-chashm-e-nam Za’ir jo chhorrta hai Madinah ba-chashm-e-nam

No More Screenshots! Save Storage with Our Lyrics App!

Hoti hain us ki zaat pe rahmat ki baarishein Dekhe jo ek baar woh roza ba-chashm-e-nam

Maqbool-e-bargah ko hota hai bas naseeb Yaad-e-Shah-e-Huda mein tarapna ba-chashm-e-nam

Ahl-e-nazar ko arz-e-Madinah hai kyun azeez Jaa kar wahan yeh baat samajhna ba-chashm-e-nam

Poocho tum us se roza-e-Sarkar ﷺ ka maqam Dekha hai jis ne khuld ka naqsha ba-chashm-e-nam

Pahunche dayar-e-quds mein jitne thay khush-naseeb Peeche raha Huzoor ﷺ mein tanha ba-chashm-e-nam

Arz-e-Haram mein kaash main batin ki aankh se Dekhoon tajalliyat ki duniya ba-chashm-e-nam

Aaqa ﷺ! mujhe dikhaye rah-e-mudafiat Deta hoon apni zaat ka pehra ba-chashm-e-nam

Thehroon ga us dayar mein Shahzad kis tarah Main ne hazaar baar yeh socha ba-chashm-e-nam