Takta Hai Sue Gunbad-e-Khizra Bachashm-e-Nam

تکتا ہے سوئے گنبدِ خضریٰ بچشمِ نم زائر جو چھوڑتا ہے مدینہ بچشمِ نم

ہوتی ہیں اس کی ذات پہ رحمت کی بارشیں دیکھے جو ایک بار وہ روضہ بچشمِ نم

مقبول بارگاہ کو ہوتا ہے بس نصیب یادِ شہِ ہدیٰ میں تڑپنا بچشمِ نم

Your Lyrics, Even Offline - Install the App for Free!

اہلِ نظر کو ارضِ مدینہ ہے کیوں عزیز جا کر وہاں یہ بات سمجھنا بچشمِ نم

پوچھو تم اُس سے روضہ سرکارﷺ کا مقام دیکھا ہے جس نے خلد کا نقشہ بچشمِ نم

پہنچے دیارِ قدس میں جتنے تھے خوش نصیب پیچھے رہا حضورﷺ میں تنہا بچشمِ نم

ارضِ حرم میں کاش میں باطن کی آنکھ سے دیکھوں تجلیات کی دنیا بچشمِ نم

آقاﷺ! مجھے دکھائے راہِ مدافعت دیتا ہوں اپنی ذات کا پہرہ بچشمِ نم

ٹھہروں گا اس دیار میں شہزاد کس طرح میں نے ہزار بار یہ سوچا بچشمِ نم