Pahancha Mera Durood Jo Unki Janaab Mein

Pahuncha mera durood jo un ki janaab mein Mujh ko salaam arsh se aaya jawaab mein

Jab tak na ho shariat-e-Khair-ul-Wara ka faiz Mumkin nahi tameez gunaah-o-sawaab mein

Ab to koi sabeel huzoori ki ho huzoor Kab tak rahegi jaan musalsal azaab mein

Instant Access to Thousands of Lyrics - Tap to Install!

Ashkon ne ki Bilalؓ ke lehje mein guftagu Sad shukr kaamyab raha main khitaab mein

Un ke siwa jahan mein aisa nahi koi Jis ne kiya ho qaid samundar habaab mein

Kaise sana-e-Sarwar-e-Aalam ko chhor dein Laazim yeh shiqq hai ishq-e-risalat ke baab mein

Wal-shams, wal-qamar kahein wal-lail-e-wal-duha Naatein likhi hui hain Khuda ki kitaab mein

Ek baar aur kijiye Shahzad par karam Ek baar aur aaiye Sarkarﷺ khwaab mein