Taiba Ke Musafir

Taibah ke musafir mujhe to bhool na jaana Ae azim-e-Taibah! main talabgar-e-dua hoon

Ro ro ke Nabi ﷺ ko meri rudad sunana Ae azim-e-Taibah! main talabgar-e-dua hoon

Ho mujh pe karam sadqe mein Sultan-e-Dana ke Dikhla de manazir mujhe Arafat-o-Mina ke

Kehta tha phir Allah mujhe hajj pe bulana Ae azim-e-Taibah! main talabgar-e-dua hoon

Bechara Madine se bahut door pada hai Badkar sahi par tera deewana bada hai

Kehta tha mujhe haziri ka izn dilana Ae azim-e-Taibah! main talabgar-e-dua hoon

Kehna bada arsa hua Taibah nahi pahuncha Barson se nahi dekh saka Gumbad-e-Khazra

Maskeen ko ab qadmon mein Sarkar bulana Ae azim-e-Taibah! main talabgar-e-dua hoon

Ae rah-e-Madinah ke musafir tu theher kar Majboor ki bipta zara sun kaan ko dhar kar

Kar haq se dua ranj-o-alam is ke mitana Ae azim-e-Taibah! main talabgar-e-dua hoon

Tu Rab ka hai mehman rah-e-janan ka hai azim Main sakht gunahgar-o-khata kar hoon mujrim

Allah se kar arz ise dozakh se bachana Ae azim-e-Taibah! main talabgar-e-dua hoon

Allah ke ghar ka joon hi dekhe tu dawara Jis waqt ke Kaabe ka kare pehla nazara

Gar hosh hon qaim tere mujh ko na bhulana Ae azim-e-Taibah! main talabgar-e-dua hoon

Ro ro ke tu karna mere haq mein yeh duayein Bole na fazool aur rakhe neechi nigahein

Kar arz Khuda se tu ise nek banana Ae azim-e-Taibah! main talabgar-e-dua hoon

Behkata hai shaitan tu hai nafs satata Tauba bhi bahut karta hai par bach nahi pata

Stop Wasting Storage - Download Lyrics in Lightweight Text Format!

Kar haq se dua is ko gunahon se bachana Ae azim-e-Taibah! main talabgar-e-dua hoon

Sakarat ke sadme mere bas mein nahi sehna Kehta tha: Tu Sarkar se ro ro ke yeh kehna

Jalwa bhi dikhana mujhe kalma bhi padhana Ae azim-e-Taibah! main talabgar-e-dua hoon

Kehta tha bure khatmay ka khauf bada hai Dekha hai ise bar-ha yeh ro bhi pada hai

Ya Rab ise imaan pe duniya se uthana Ae azim-e-Taibah! main talabgar-e-dua hoon

Nadim hai mazeed is ko tu sharminda na karna Be poochay hi de bakhsh qayamat mein na dharna

Kar arz Khuda se ise jannat mein basana Ae azim-e-Taibah! main talabgar-e-dua hoon

Jab tak ho Madine mein muyassar tujhe rehna Ro ro ke salam un se mera roz tu kehna

Khairat shafa'at ki tabarruk mein le aana Ae azim-e-Taibah! main talabgar-e-dua hoon

Ikhlas ki Allah ise kar de ata bheek Aur ghussay ki aadat talay akhlaq bhi hon theek

Hasnain ke sadqe ise hans-mukh tu banana Ae azim-e-Taibah! main talabgar-e-dua hoon

Chayi hai mere rukh pe gunahon ki siyahi Maqsoom na ho jaye kahin bhai tabahi

Kar arz, unhein aata hai taqdeer banana Ae azim-e-Taibah! main talabgar-e-dua hoon

Kehna ke nadamat ise isyan pe badi hai Dehleez pe maut aake Sheha is ke khadi hai

Tum naz'a mein deedar ka jaam is ko pilana Ae azim-e-Taibah! main talabgar-e-dua hoon

Kehta tha Karachi mein nahi mujh ko hai marna Ro ro ke guzarish tu yeh Sarkar se karna

Sultan-e-Madinah ise qadmon mein sulana Ae azim-e-Taibah! main talabgar-e-dua hoon

Tu Dawat-e-Islami ke haq mein yeh dua de Islam ka danka yeh zamane mein baja de

Farmayein karam is pe Shehenshah-e-Zamana Ae azim-e-Taibah! main talabgar-e-dua hoon

Jab Gumbad-e-Khazra ko nazar jhoom ke choome Aajaye tujhe wajd tu be-sakhta jhoome

Kehna: Kahein, Attar hamara hai deewana Ae azim-e-Taibah! main talabgar-e-dua hoon