Sukoon e Qalb o Nazar

Sukoon-e-qalb-o-nazar ishq-e-Mustafa ﷺ mein mila Suraagh apna mujhe zaat ke hira mein mila

Mere huzoor ﷺ ki dehleez ka tasarruf hai Tamaam aajiz mujhe kasa-e-ana mein mila

Kisi kitaab kisi falsafe mein darj nahin Jo aitbaar-e-Madinah Munawwarah mein mila

Abad se aati hai khushbu-e-Mustafa ﷺ hum ko Azal bhi hum ko Muhammad ﷺ ke naqsh-e-pa mein mila

Talaash hum kayi sadiyon mein is ko karte rahe Thikana is ka zamane ke irteqa mein mila

Get Lyrics On-The-Go! Download Our App Now!

Al-sabah parha ghaur se fazaon ko Toh aayaton ki tarah paara-e-saba mein mila

Nisaar zindagi jis ne huzoor ﷺ par kar di Woh sair karta hua waadi-e-baqa mein mila

Zabaan-o-dil ka Muzaffar yeh kitna ehsaan hai Durood se hua haasil kabhi dua mein mila