Subah Hoti Hai Sham

Subh hoti hai sham hoti hai Umr yunhi tamam hoti hai

Puri kab aarzoo Madine ki Shah-e-Khair-ul-Anaam hoti hai

Mustafa ka hai jo bhi deewana Us pe rahmat mudam hoti hai

Sunnaton ka hai jo bhi shaidai Us pe dozakh haram hoti hai

Bakhtwar zaairon ki Makkah mein Subh, Taibah mein sham hoti hai

Ya Habib-e-Khuda karam kar do! Door kab gham ki sham hoti hai

Khoob insaan ko karti hai ruswa Jab zabaan be-lagaam hoti hai

Gar takabbur ho dil mein zarra bhar Sun lo jannat haram hoti hai

Maal-o-daulat ke aashiqon ki har Aarzoo na-tamam hoti hai

Ya Umar! Deen-e-Haq ke aada par Taigh kab be-niyam hoti hai?

Stop Wasting Storage - Download Lyrics in Lightweight Text Format!

Paaye rutba shaheed ka khuld us Ke liye do hi gaam hoti hai

Sun lo har ek nek shakhsiyat Qabil-e-ehtiram hoti hai

Utho Attar Taibah chalte hain Un ki rahmat to aam hoti hai