Subah Hoti Hai Sham

صُبح ہوتی ہے شام ہوتی ہے عُمر یونہی تمام ہوتی ہے

پوری کب آرزو مدینے کی شاہِ خیرالانام ہوتی ہے

مُصطَفٰے کا ہے جو بھی دیوانہ اُس پہ رَحمت مُدام ہوتی ہے

سنّتوں کا ہے جو بھی شَیدائی اُس پہ دوزخ حرام ہوتی ہے

بختورزائروں کی مکّے میں صبح، طیبہ میں شام ہوتی ہے

یاحبیبِ خدا کرم کر دو! دُور کب غم کی شام ہوتی ہے

خوب انساں کو کرتی ہے رُسوا جب زباں بے لگام ہوتی ہے

گر تکبّر ہو دل میں ذرّہ بھر سن لو جنّت حرام ہوتی ہے

مال و دولت کے عاشِقوں کی ہر آرزو ناتَمام ہوتی ہے

Why Screenshot When You Can Download? Get the App for Efficient Storage!

یاعمر! دینِ حق کے اَعدا پر تَیغ کب بے نِیام ہوتی ہے؟

پائے رُتبہ شہید کا خُلد اُس کیلئے دو ہی گام ہوتی ہے

سن لو ہر ایک نیک شخصیَّت قابِلِ اِحتِرام ہوتی ہے

اٹھو عطارؔ طیبہ چلتے ہیں اُن کی رَحمت تو عام ہوتی ہے