Shujaat Naz Karti Hai

Shuja'at naaz karti hai jalalat naaz karti hai Woh Sultan-e-Zamaan hain un pe shaukat naaz karti hai

Sadaqat naaz karti hai amaanat naaz karti hai Hamiyat naaz karti hai maruwwat naaz karti hai

Shah-e-khoobaan pe har khoobi-o-khaslat naaz karti hai Kareem aise hain woh un par karamat naaz karti hai

Jahan-e-husn mein bhi kuch nirali shaan hai un ki Nabi ke gul pe gulzaaron ki zeenat naaz karti hai

Shehenshah-e-shaheedaan ho, anokhi shaan wale ho Hussain ibn-e-Ali tum par shahadat naaz karti hai

Bitha kar shana-e-aqdas pe kardi shaan dobala Nabi ke laadlon par har fazeelat naaz karti hai

Jabeen-e-naaz un ki jalwa-gah-e-husn hai kis ki Rukh-e-zaiba pe Hazrat ki malahat naaz karti hai

Nigah-e-naaz se naqsha badal dete hain aalam ka Ada-e-sarwar-e-khoobaan pe nudrat naaz karti hai

Fida'i hoon toh kis ka hoon koi dekhe meri qismat Qadam par jis haseen ki jaan-e-tal'at naaz karti hai

Khuda ke fazl se Akhtar main un ka naam lewa hoon Main hoon qismat pe naaza mujh pe qismat naaz karti hai

No Internet? No Problem! Get the App for Offline Lyrics!

Bagh-e-tasleem-o-raza mein gul khilate hain Hussain Ya'ni hangam-e-museebat muskuraate hain Hussain

Barq-e-aalam soz ka aalam dikhate hain Hussain Muskura kar qila-e-baatil ka girate hain Hussain

Marzi-e-Maula ki khatir har sitam ko seh liya Kis khushi se baar-e-gham dil par uthate hain Hussain