Sharf Mujh Ko Har Saal

Sharaf mujh ko har saal Hajj ka Khuda de Madinah bhi har baar Maula dikha de

Tu Makkah dikha de, Madinah dikha de Mere dil mein Makkah Madinah basa de

Sharaf-e-deed-e-Kaaba ka de de Ilahi Mujhe sabz gumbad ka jalwa dikha de

Mina ke dil-awez o dilkash nazaare Isi saal mujh ko Khudaya dikha de

Main ehram-e-Hajj baandh kar aaun Arafat Sa'adat Khuda yeh baraye Raza de

Ilahi! tujhe wasta Fatimah ka Muhammad ﷺ ke qadmon mein mujh ko qaza de

Ali Fatimah ka, Husain o Hasan ka Waseela Baqi-e-Mubarak mein ja de

Jo hijr-e-Madinah mein rote hain ya Rabb Unhein bhi karam se Madinah dikha de

Tere khauf se tere pyaare ke gham mein Jo aansoo bahaye woh aankh ae Khuda de

Tujhe wasta chaar yaaron ka ya Rabb Dikha khwab mein jalwa-e-Mustafa de

Ibadat mein lag jaaye dil ya Ilahi Mere dil se ghaflat ka parda hata de

Khuda! nafs ne hai tabahi machayi Meri sab buri khwahishon ko mita de

Siyah hai mera saara a'maal-nama Ilahi! siyahi tu is ki mita de

Mujhe naz' o qabr o qayamat mein Maula Tu amn o amaan de tu apni Raza de

Tu noor-e-Muhammad ﷺ ke sadqe mein ya Rabb Karam kar meri qabr ko jagmaga de

Meri maghfirat kar baraye Sahaba Jagah khuld mein az paye Awliya de

Azab-e-Jahannam se khauf aa raha hai Mujhe bakhash, kar dargozer har khata de

Tujhe wasta Shah-e-Karb-o-Bala ka Tu kar door Allah! ranj o bala de

Tu jismani bimariyan door farma De roohani amraaz se bhi shifa de

Instant Access to Thousands of Lyrics - Tap to Install!

Mubarak ho phir mah-e-Milad aaya Ae bhai! tu ghar aur galiyan saja de

Khuda! de woh Attar ko soz-e-ulfat Madine ke gham mein jo is ko rula de