Sharf Haasil Hai Deedar

Sharaf hasil hai deedar-e-Shah-e-Lau-laak karne ka Saliqa mujh ko aata hai garebaan chaak karne ka

Jab un ka naam lo dil ruk sa jaaye ashk beh niklein Yehi nuskha hai un ke qurb ke idraak karne ka

Khuda ke ghar mein ho aao Nabi ke dar pe ro aao Agar jazba hai khud ko maasiyat se paak karne ka

No Internet? No Problem! Get the App for Offline Lyrics!

Zameen par aap ki laane mein mansha-e-Ilahi tha Zameen se kam bohat kam, rutba-e-aflaak karne ka

Sana Sarkar ki Sarkar ka mukhtar-nama hai Khuda se khuld mein bayana imlaak karne ka

Amal, chhoti si ik sunnat pe kar ke jang jeeti thi Ajab radd-e-amal tha ik zara miswaak karne ka

Shah-e-Konain, bhar dena lahad ko noor se apne Ho lamha jab Muzaffar ko sapurd-e-khaak karne ka