Sharf Haasil Hai Deedar

شرف حاصل ہے دیدارِ شہ ِ لولاک کرنے کا سلیقہ مُجھ کو آتا ہے گریباں چاک کرنے کا

جب اُن کا نام لو دِل رُک سا جائے اشک بہہ نکلیں یہی نسخہ ہے اُن کے قرب کے ادراک کرنے کا

خُدا کے گھر میں ہو آؤ نبی کے در پہ رو آؤ اگر جذبہ ہے خود کو معصیت سے پاک کرنے کا

Stop Wasting Storage - Download Lyrics in Lightweight Text Format!

زمیں پر آپ کی لانے میں منشائے الہٰی تھا زمیں سے کم بہت کم ، رتبہء افلاک کرنے کا

ثنا سرکار کی سرکار کا مختار نامہ ہے خُدا سے خُلد میں بیعانہ ُ املاک کرنے کا

عمل ، چھوٹی سی اِک سُنّت پہ کر کے جنگ جیتی تھی عجب ردِّ عمل تھا اِک ذرا مسواک کرنے کا

شہِ کونین ، بھر دینا لحد کو نُور سے اپنے ہو لمحہ جب مظفّؔر کو سپردِ خاک کرنے کا