Sharf De Hajj Ka Mujhe

Sharaf de hajj ka mujhe mere Kibriya ya Rab Rawana su-e-Madinah ho qafilah ya Rab

Dikha de ek jhalak sabz sabz gumbad ki Bas un ke jalwon mein aa jaye phir qaza ya Rab

Madine jayen phir ayen dobara phir jayen Isi mein umar guzar jaye ya Khuda ya Rab

Mira ho gumbad-e-khazra ki thandi chhaon mein Rasool-e-Pak ke qadmon mein khatimah ya Rab

Ba-waqt-e-naz’a salamat rahe mira iman Mujhe naseeb ho taubah hai iltija ya Rab

Jo ’’deen ka kaam‘‘ karen dil laga ke ya Allah Unhein ho khwab mein deedar-e-Mustafa ya Rab

Teri mohabbat utar jaye meri nas nas mein Pae Raza ho ata ishq-e-Mustafa ya Rab

Zamane bhar mein macha denge dhoom sunnat ki Agar karam ne tere sath de diya ya Rab

Namaz o roza o hajj o zakat ki taufiq Ata ho ummat-e-mehboob ko sada ya Rab

Jawab-e-qabr mein Munkar-Nakir ko doon ga Tere karam se agar hausala mila ya Rab

Baroz-e-hashr chhalakta sa jaam-e-Kauthar ka Ba-dast-e-Saqi-e-Kauthar hamein pila ya Rab

Your Lyrics, Even Offline - Install the App for Free!

Baqee-e-Pak mein Attar dafn ho jaye Baraye Ghaus o Raza az pae Ziya ya Rab