Shameem Zulf Nabi La Saba

Shamim-e-zulf-e-Nabi la saba Madinah se Mareez-e-hijr ko la kar sungha Madinah se

Yeh aa rahi hai mere dil! sada Madinah se Har ek dukh ki milegi dawa Madinah se

Madinah kehta hai hamdam na ja Madinah se Tujhe hai aish-e-abad ki sala Madinah se

Naseem-e-mast chale dilruba Madinah se Bahaar-e-dil mein base dilkusha Madinah se

Naseem-e-mast chale dilruba Madinah se Bahaar-o-baagh bane dil mera Madinah se

Free Up Space - Get Lyrics Without Bulky Screenshots!

Uthao bada-kasho! saghar-e-sharab-e-kuhan Woh dekho jhoom ke aayi ghata Madinah se

Madinah jaan-e-jinaan-o-jahaan hai woh sun lein Jinhein junoon-e-janaan le chala Madinah se

Faza-e-dahr ko ghera hai jis ki maujon ne Woh sail-e-noor-e-Muhammad chala Madinah se

Jahaan bhar ke sikhane ko khusravi ke usool Ghubar-e-khak-nashinaan utha Madinah se

Basa woh khuld mein jo bas gaya Madinah mein Gaya woh khuld se jo chal diya Madinah se

Mareez-e-hijr ko chain aa gaya Madinah mein Dil-e-shikasta ka darmaan hua Madinah se

Tere karam ke bharose yeh arz karta hoon Na jaye ga tera Akhtar-e-Raza Madinah se

Tere karam mein qurbaan yeh hukm farma dein Na jaye ga mera Akhtar-e-Raza Madinah se