Shah e Wala Mujhe Taiba

Shah-e-Wala mujhe Taibah bulalo Taibah bulalo mujhe Taibah bulalo

Deorhi ka apni kuta banalo Qadmon se apne mujhko lagalo

Sadqay mein sadqay mein sadqay bulalo Furqat ke maaray ko piyaray jalalo

Piyaray jalalo mujhe piyaray jalalo Moula jalalo mujhe Aaqa jalalo

Duniya ke jhagron se yaksar chura kar Ghairon ki ulfat ko dil se mita kar

No More Screenshots! Save Storage with Our Lyrics App!

Shah-e-Wala mujhe apna banalo Apna banalo mujhe apna banalo

Nekon ke sadqay mein hum se badon ko Zaar-o-nazaar-o-museebat zadon ko

Moula nibhalo meray Moula nibhalo Haan haan nibhalo meray Moula nibhalo

Hotay ho tum kyun mayoos-o-muztar Kis wastay ho hairan-o-shashdar

Dukh dard walo suno dukh dard walo Taibah se har ek apni dawa lo

Dar-ush-shifaye Taibah mein aao Jo mango foran munh mangi paao

Andoh-o-gham sab apne mitalo Ranj-o-alam sab dil se nikalo

Aankhon mein aao dil mein samao Parda uthao jalwa dikhao

Hasrat zada ki piyaray dua lo Hasrat nikalo meri hasrat nikalo

Baad-e-mukhalif tez aa rahi hai Kashti hamari chakra rahi hai

Manjh-dhaar mein hai Moula bachalo Piyaray bachalo mujhe Shaha bachalo

Dolat hai naiya mori bhanwar mein Moula tarao ekay najar mein

Mori khabriya moray piya lo Mo ko bachalo piya mo ko bachalo

Taib hoon Najdi aib hoon Najdi Aur yeh na ho to khaib hoon Najdi

Ghaib hoon Najdi Moula nikalo Jaldi nikalo unhein jaldi nikalo

Yeh Noori muztar tera sanagar Aur is ka ghar bhar ho hazir-e-dar

Apne gadagar ko dar par bulalo Amn-o-aman se hamein Sarwar bulalo