Kon Kehta Hai Ankhein

Kaun kehta hai aankhein chura kar chale Kab kisi se nigahein bacha kar chale

Kaun un se nigahein lara kar chale Kis ki taqat jo aankhein mila kar chale

Woh haseen kya jo fitne utha kar chale Haan haseen tum ho fitne mita kar chale

Un ke koocha mein mangta sada kar chale Rehmat-e-Haq ho har dam dua kar chale

Qissa-e-gham sunaya suna kar chale Jaan-e-Isa dawa do dua kar chale

Rabb ke bandon ko Rabb se mila kar chale Jalwa-e-Haq woh hum ko dikha kar chale

Man ra'ani ra'al Haqq suna kar chale Mera jalwa hai Haqq ka jata kar chale

Juz bashar aur kya dekhein kheera nazar Ayyukum mithli go woh suna kar chale

Jagmaga dalein galiyan jidhar aaye woh Jab chale woh to kooche basa kar chale

Kaisa tareek duniya ko chamka diya Saare aalam mein kaisi ziya kar chale

Koi maane na maane yeh woh jaan le Seedha rasta woh sab ko bata kar chale

Koriyon korhiyon ke liye korh door Achha changa woh khasa bhala kar chale

Yaad-e-daman se murjhayi kaliyan khilin Faiz se apne ghunche khila kar chale

Shab ko shabnam ki manind roya kiye Soorat-e-gul woh hum ko hansa kar chale

Bad se bad ko liya jis ne aaghosh mein Kab kisi se woh daaman bacha kar chale

Jo kameene thay un ko mu'azzaz kiya Woh razeelon ko seene laga kar chale

Sab ko Islam ka tum ne bakhsha sharaf Girte parton ko pyaare utha kar chale

Een-o-aan aur chuneen-o-chunan sarwara Tere dar se sab apna bhala kar chale

Find Your Favorite Lyrics Anytime, Anywhere - Install the App Today!

Jis ka saani hua aur na hai aur na ho Woh ata kar chale woh sakha kar chale

Umar bhar a'da un ko sataya kiye Aur woh dushmanon ko dua kar chale

Sakht a'da ko bhi afw farma diya Rehmat-e-Haq ki shanein dikha kar chale

Jism-e-purnoor ka yun to saya na tha Aur patthar mein naqshe jama kar chale

Marte dam sar dar-e-paak par rakh diya Is ada se qaza hum ada kar chale

Jab qamar ik ishare se tukre kiya Bole kaafir woh jaadu sa kiya kar chale

Mo'jizon ko woh jaadu batate rahe Aap apne pe zaalim jafa kar chale

Jin ke dawe thay hum hi hain ahl-e-zaban Sun ke Quran zabanen daba kar chale

Kaye sahabi thay par thi yeh haibat-e-Haq Gardanein saare kaafir jhuka kar chale

Aur gardan-kashi ki to maare gaye Sab ne jaana ke zaalim khata kar chale

Jin ko apna nahin gham hamare liye Dore jhapte woh paon utha kar chale

Abhi mizan par thay abhi pul pe hain Pul mein girte bachaye bacha kar chale

Sar-e-Kausar suna shor pyason ka jab Pahunche sharbat pilaya pila kar chale

Kisi janib se aaein nidayein Huzoor Mujrimon ki rihayi ka kya kar chale

Dam mein pahunche woh hukm-e-rihayi diya Un ko dozakh se phera phira kar chale

Daagh-e-dil hum ne Noori dikha hi diya Dard-e-dil ka fasana suna kar chale