Bahar e Janfiza Tum Ho

Bahar-e-jaanfiza tum ho Naseem-e-dastaan tum ho Bahar-e-bagh-e-rizwan tum se hai zeb-e-jinan tum ho

Habib-e-Rabb-e-Rahman tum makin-e-lamakan tum ho Sar-e-har do jahan tum ho shah-e-shahansahan tum ho

Haqeeqat aap ki mastoor hai yun to nihan tum ho Numayan zarre zarre se hain jalwe yun ayan tum ho

More Lyrics, Less Storage - Install the App and Ditch the Screenshots!

Haqeeqat se tumhari juz Khuda aur kaun waqif hai Kahe to kya kahe koi chuneen tum ho chunan tum ho

Khuda ki saltanat ka do jahan mein kaun dulha hai Tum hi tum ho tum hi tum ho yahan tum ho wahan tum ho

Tumhara noor hi sari hai in sari baharon mein Baharon mein nihan tum ho baharon se ayan tum ho

Zameen-o-aasman ki sab baharein aap ka sadqa Bahar-e-be-khizan tum ho bahar-e-jawidan tum ho

Tumhare husn-o-rang-o-bu ki gul-boote hikayat hain Bahar-e-gulistan tum ho bahar-e-bostan tum ho

Tumhari tabish-e-rukh hi se roshan zarra zarra hai Mah-o-khursheed-o-anjum barq mein jalwa-kunan tum ho

Nazar arif ko har aalam mein aaya aap ka aalam Na hote tum to kya hota bahar-e-har jahan tum ho

Tumhare jalwa-e-rangeen hi ki sari baharein hain Baharon se ayan tum ho baharon mein nihan tum ho

Mujassam rahmat-e-Haq ho ke apna gham na andesha Magar hum se siyah-karon ki khatir yun rawan tum ho

Kaja hum khak-uftada kaja tum ae shah-e-bala Agar misl-e-zameen hum hain to misl-e-aasman tum ho

Yeh kya main ne kaha misl-e-sama tum ho ma'adhAllah Munazza misl se bartar zi-har wahm-o-guman tum ho

Main bhoola aap ki rif'at se nisbat hi hamein kya hai Woh kehne bhar ki nisbat thi kahan hum hain kahan tum ho

Che nisbat khak ra ba aalam-e-pakat ke ae Maula Gada-e-be-nawa hum hain shah-e-arsh-aastan tum ho

Main bekas hoon main bebas hoon magar kis ka tumhara hoon Teh-e-daman mujhe le lo panah-e-bekasan tum ho

Haqeeqat mein na bekas hoon na bebas hoon na na-taqat Main sadqe jaaun mujh kamzor ke tab-o-tawan tum ho

Hamein umeed hai roz-e-qayamat un ki rahmat se Ke farmayein idhar aao na mayoos az-jinan tum ho

Sitam-garo khata-karo siyah-karo jafa-karo Hamare daman-e-rahmat mein aajao kahan tum ho

Sitam-garo chale aao chale aao chale aao Hamare ho hamare ho agarche az-badan tum ho

Tumhare hote saate dard dukh kis se kahun pyare Shafi-e-asiyan tum ho wakeel-e-mujrimaon tum ho

Masih-e-pak ke qurbaan magar jaan-e-dil-o-eeman Hamare dard ke darman tabib-e-ins-o-jaan tum ho

Dikhaye lakh aankhein mehr-e-mahshar kuch nahi parwa Khuda rakhe tumhein tum ho mere amn-o-aman tum ho

Riyazat ke yahi din hain burhape mein kahan himmat Jo kuch karna ho ab karlo abhi Noori jawan tum ho

Faqat nisbat ka jaisa hoon haqeeqi Noori ho jaaun Mujhe jo dekhe keh uthe mian Noori mian tum ho

Sana manzoor hai un ki nahi yeh mudda'a Noori Sukhan-sanj-o-sukhanwar ho sukhan ke nukta-dan tum ho