Tum Par Lakhon Salaam

Tum par lakhon salam tum par lakhon salam Sab se a’ala izzat wale ghalba-o-qahr-o-taqat wale Hurmat wale karamat wale tum par lakhon salam

Tum par lakhon salam

Zahir bahar siyadat wale ghalib qahir riyasat wale Quwwat wale shahadat wale tum par lakhon salam

Tum par lakhon salam

Noor-e-ilm-o-hikmat wale nafiz jari hukumat wale Rab ki a’ala khilafat wale tum par lakhon salam

Tum par lakhon salam

Aap ka chaha Rab ka chaha Rab ka chaha aap ka chaha Rab se aisi chahat wale tum par lakhon salam

Tum par lakhon salam

Tum ho shah-e-aurang-e-khilafat tum ho wali-e-mulk-e-jalalat Tum ho taj-e-rif’at wale tum par lakhon salam

Tum par lakhon salam

Rab ke pyare raj dulare hum hain tumhare tum ho hamare Ae daman-e-rehmat wale tum par lakhon salam

Tum par lakhon salam

Dho dein gunah ke dhabbe kale abr-e-karam ke barsein jhale Gesuon wale rehmat wale tum par lakhon salam

Tum par lakhon salam

Dagmag dagmag naiya hale jeera kanpe toi sambhale Aah duhai rehmat wale tum par lakhon salam

Tum par lakhon salam

Bigri nau kaun sambhale haye bhanwar se kaun nikale Haan haan zor-o-taqat wale tum par lakhon salam

Tum par lakhon salam

Raja parja aap ke dware sab hain baithe jholi pasare Data pyare daulat wale tum par lakhon salam

Tum par lakhon salam

Khewan hare khewan hare baiyan pakde more pyare Quwwat wale himmat wale tum par lakhon salam

Tum par lakhon salam

Apne paraye aap ke dar se ne’amatein payein jholiyan bhar ke Allah Allah sakhawat wale tum par lakhon salam

Tum par lakhon salam

Arsh-e-ula par Rab ne bulaya apna jalwa-e-khas dikhaya Khalwat wale jalwat wale tum par lakhon salam

Tum par lakhon salam

Takht tumhara arsh-e-Khuda ka mulk-e-Khuda hai mulk tumhara Rab ki a’ala khilafat wale tum par lakhon salam

Tum par lakhon salam

De diye tum ko apne khazane Rabb-e-izzat Rabb-e-ula ne Donon jahan ki ne’amat wale tum par lakhon salam

Tum par lakhon salam

Aisi daulat payi phir bhi miskini hi tum ne chahi Miskinon par rehmat wale tum par lakhon salam

Tum par lakhon salam

Aap se daulat paye duniya aap karein khud faqa pe faqa Aisi bakhshish-o-daulat wale tum par lakhon salam

Tum par lakhon salam

Ne’amatein tum auron ko khilao khud khao to jau ki khao Nan-e-jaween pe qana’at wale tum par lakhon salam

Tum par lakhon salam

More Lyrics, Less Storage - Install the App and Ditch the Screenshots!

Daulat do aalam ko banto pet par apne patthar bandho Allah Allah sakhawat wale tum par lakhon salam

Tum par lakhon salam

Ghairon ko apnon se zyada banti tum ne daulat-e-duniya MashaAllah himmat wale tum par lakhon salam

Tum par lakhon salam

Hum hain jitne khati mukhti aap hain us se zaid mu’ti Afw-o-safh-o-inayat wale tum par lakhon salam

Tum par lakhon salam

Tum ko dekha Haq ko dekha aap ki surat us ka jalwa Achhi achhi surat wale tum par lakhon salam

Tum par lakhon salam

Kitne parde hain chehre par chehra phir bhi manind-e-qamar Ae noorani surat wale tum par lakhon salam

Tum par lakhon salam

Surat-e-aqdas se Haq zahir kalma padhte dekh ke kafir Ae haqqani surat wale tum par lakhon salam

Tum par lakhon salam

Abu Jahl-e-la’een kalma padhta dekha hi nahi us ne shaha Pardon wali surat wale tum par lakhon salam

Tum par lakhon salam

Khulq tumhara Khulq-e-Ilahi faiz tumhara namutnahi Ae pakiza serat wale tum par lakhon salam

Tum par lakhon salam

Aisi muqaddas khwab-e-rahat aap to soyein jage qismat Ae rabbani da’awat wale tum par lakhon salam

Tum par lakhon salam

Chashm-e-sar ne Haq ko dekha dil ne Haq ko Haq hi jana Ae haqqani surat wale tum par lakhon salam

Tum par lakhon salam

Ma zaghal basaruka ya mawla ma kadhaba qalbuka hina ra’a Aisi chashm-e-baseerat wale tum par lakhon salam

Tum par lakhon salam

Qaul-e-Haq hai qaul tumhara in huwa illa wahyun yuuha Sidq-o-Haq-o-amanat wale tum par lakhon salam

Tum par lakhon salam

Fe’l tumhara fe’l-e-Khuda hai us ka gawah Allahu rama hai Haq se aisi nisbat wale tum par lakhon salam

Tum par lakhon salam

Aap ka yad yad-e-Rabb-e-Wahid fawqa aydihim hai shahid Ae rabbani bai’at wale tum par lakhon salam

Tum par lakhon salam

Deen-e-Haq ke hadi rehbar tum ho Haq ke naib-e-akbar Nasikh-e-adyan-e-shari’at wale tum par lakhon salam

Tum par lakhon salam

Hillat-o-hurmat aap ke munh se aise hi hai jaise Haq ke Hillat wale hurmat wale tum par lakhon salam

Tum par lakhon salam

Aap ka saya kaise hota aap hain noor-e-Haq ka saya Zill-e-rehmat tal’at wale tum par lakhon salam

Tum par lakhon salam

Aap ka dam hai farsh ki nuzhat aur qadam hai arsh ki zeenat Husn-o-jamal-o-latafat wale tum par lakhon salam

Tum par lakhon salam

Tum ho noor-e-chashm-e-khillat tum ho sarwar-e-qalb-e-safwat Tum ho wajd ki farhat wale tum par lakhon salam

Tum par lakhon salam

Ae shahid-e-Haq shahid-e-ummat kafir par tum Rab ki hujjat Tum momin ki nusrat wale tum par lakhon salam

Tum par lakhon salam

Sunnat-e-Rabb-e-izzat tum ho zeb-o-zeen-e-jannat tum ho Amn-o-aman-e-ummat wale tum par lakhon salam

Tum par lakhon salam

Khwab mein jalwa apna dikhao Noori ko tum Noori banao Ae chamkili rangat wale tum par lakhon salam

Tum par lakhon salam