Bakht e Khufta Ne Mujhe

Bakht-e-khufta ne mujhe rauza pe jaane na diya Chashm-o-dil seene kaleje se lagane na diya

Aah qismat mujhe duniya ke ghamon ne roka Haaye taqdeer ke Taibah mujhe jaane na diya

Paanv thak jaate agar paanv banata sar ko Sar ke bal jaata magar za'f ne jaane na diya

Itna kamzor kiya za'f-e-quwa ne mujh ko Paanv to paanv mujhe sar bhi uthane na diya

Sar to sar jaan se jaane ki mujhe hasrat hai Maut ne haaye mujhe jaan se jaane na diya

Haal-e-dil khol ke dil aah ada kar na saka Itna mauqa hi mujhe meri qaza ne na diya

Get Lyrics On-The-Go! Download Our App Now!

Haaye is dil ki lagi ko main bujhaun kyonkar Fart-e-gham ne mujhe aansu bhi girane na diya

Haath pakre hue le jaate jo Taibah mujh ko Saath itna bhi to mere rufa ne na diya

Sajda karta jo mujhe us ki ijazat hoti Kya karun idhn mujhe is ka Khuda ne na diya

Hasrat-e-sajda yunhi kuch to nikalti lekin Sar bhi Sarkar ne qadmon pe jhukane na diya

Kocha-e-dil ko basa jaati mehak se teri Kaam itna bhi mujhe baad-e-saba ne na diya

Kabhi beemar-e-mohabbat bhi hue hain achhe Roz afzun hai maraz kaam dawa ne na diya

Sharbat-e-deed ne aur aag lagadi dil mein Tapish-e-dil ko barhaya hai bujhane na diya

Ab kahan jaayega naqsha tera mere dil se Teh mein rakha hai ise dil ne gumane na diya

Des se un ke jo ulfat hai to dil ne mere Is liye des ka jangla bhi to gaane na diya

Des ki dhun hai wahi raag alapa is ne Nafs ne haaye khayal is ka mitane na diya

Nafs-e-badkar ne dil par yeh qayamat tori Amal-e-nek kiya bhi to chupane na diya

Nafs-e-badkesh hai kis baat ka dil pe shaki Kya bura dil ne kiya zulm kamane na diya

Mere a'maal ka badla to jahannam hi tha Main to jaata mujhe Sarkar ne jaane na diya

Mere a'maal-e-siyah ne kiya jeena doobhar Zeher khata tere irshad ne khaane na diya

Aur chamakti si ghazal koi parho ae Noori Rang apna abhi jamne shu'ara ne na diya