Tajali e Noor e Qadam

Tajalli-e-noor-e-qadam Ghous-e-Azam Ziya-e-siraj-uz-zulam Ghous-e-Azam

Tera hal hai tera haram Ghous-e-Azam Arab tera tera Ajam Ghous-e-Azam

Karam aap ka hai a’am Ghous-e-Azam Inayat tumhari atam Ghous-e-Azam

More Lyrics, Less Storage - Install the App and Ditch the Screenshots!

Mukhalif hon go sau padam Ghous-e-Azam Hamein kuch nahin is ka gham Ghous-e-Azam

Chala aisi tegh-e-do-dam Ghous-e-Azam Ke a’da ke sar hon qalam Ghous-e-Azam

Woh ek waar ka bhi na hoga tumhare Kahan hai mukhalif mein dam Ghous-e-Azam

Tere hote hum par sitam dhayein dushman Sitam hai sitam hai sitam Ghous-e-Azam

Kahan tak sunein hum mukhalif ke ta’ane Kahan tak sahein hum sitam Ghous-e-Azam

Barhe hausle dushmanon ke ghata de Zara le le tegh-e-do-dam Ghous-e-Azam

Nahin lata khatir mein shahon ko shaha Tera bandah-e-be-diram Ghous-e-Azam

Karam chahiye tera tere Khuda ka Karam Ghous-e-Azam karam Ghous-e-Azam

Ghata hausla gham ki kali ghata ka Barhi hai ghata dam-ba-dam Ghous-e-Azam

Barha nakhuda sar se pani alam ka Khabar lijiye doobe hum Ghous-e-Azam

Karo pani gham ko baha do alam ko Ghataein barhein ho karam Ghous-e-Azam

Nazar aaye mujh ko na surat alam ki Na dekhun kabhi ru-e-gham Ghous-e-Azam

Barha hath kar dastgiri hamari Barha abr-e-gham dam-ba-dam Ghous-e-Azam

Khudara zara hath seene pe rakh do Abhi mit-te hain gham alam Ghous-e-Azam

Khuda ne tumhein mahw-o-isbat bakhsha Ho Sultan-e-Lauh-o-Qalam Ghous-e-Azam

Hai qismat meri terhi tum seedhi kar do Nikal jayein sab pech-o-kham Ghous-e-Azam

Khabar lo hamari ke hum hain tumhare Karo hum pe fazl-o-karam Ghous-e-Azam

Tum aise ghareebon ke faryad-ras ho Ke thehra tumhara alam Ghous-e-Azam

Ba-ain-e-inayat ba-chashm-e-karamat Bidah jur’ah-e-na-chashm Ghous-e-Azam

Tera ek qatra awalim-numa hai Nahin chahiye jam-e-Jam Ghous-e-Azam

Kuch aisa guma de mohabbat mein apni Ke khud keh uthun main manam Ghous-e-Azam

Jise chahe jo de jise chahe na de Tere hath mein hai ni’am Ghous-e-Azam

Tera husn-e-namkeen bhare zakhm-e-dil ke Binah marhame bar dalam Ghous-e-Azam

Taraqqi kare roz-o-shab dard-e-ulfat Na ho qalb ka dard kam Ghous-e-Azam

Khuda rakhe tum ko hamare saron par Hai bas ik tumhara hi dam Ghous-e-Azam

Dam-e-naz’a sarhane aa jao pyare Tumhein dekh kar nikle dam Ghous-e-Azam

Teri deed ke shauq mein jaan-e-jaanan Khinch aaya hai aankhon mein dam Ghous-e-Azam

Koi dam ke mehman hain aa jao is dam Ke seene mein atka hai dam Ghous-e-Azam

Dam-e-naz’a aao ke dam aaye dam mein Karo hum pe Ya-seen dam Ghous-e-Azam

Yeh dil yeh jigar hai yeh aankhein yeh sar hai Jahan chaho rakho qadam Ghous-e-Azam

Sar-e-khud ba-shamshir-e-abroo farosham Ba-mizhgan-e-tu seen-e-am Ghous-e-Azam

Ba-paikan-e-teerat jigar mi-farosham Ba-teer-e-nigahat dalam Ghous-e-Azam

Dimagham rasad bar sar-e-arsh-e-a’la Ba-payat agar sar naham Ghous-e-Azam

Meri sar-bulandi yahin se hai zahir Ke shud zer-e-payat saram Ghous-e-Azam

Laga lo mere sar ko qadmon se apne Tumhein sirr-e-Haq ki qasam Ghous-e-Azam

Qadam kyun liya awliya ne saron par Tumhein jaano is ke hukum Ghous-e-Azam

Kiya faisla Haq-o-batil mein tum ne Kiya Haq ne tum ko hukum Ghous-e-Azam

Tumhari mehak se gali kooche mehke Hai Baghdad rashk-e-Iram Ghous-e-Azam

Karam se kiya rah-numa rah-zanon ko Idhar bhi nigah-e-karam Ghous-e-Azam

Mera nafs-e-sarkash bhi rah-zan hai mera Yeh deta hai dam dam-ba-dam Ghous-e-Azam

Dikha de tu Inni azoom ke jalwe Sunade sada-e-manam Ghous-e-Azam

Mere dam ko is ke damon se bacha de Karam kar karam kar karam Ghous-e-Azam

Main hoon natawan sakht kamzor had ka Hain zoron charhe is ke dam Ghous-e-Azam

Na palla ho halka hamara na hum hon Na bigre hamara bharam Ghous-e-Azam

Kahan tak hamari khatayein genge Karein afw sab yak-qalam Ghous-e-Azam

Hamari khataon se daftar bhare hain Karam kar ke hon ka’al-adam Ghous-e-Azam

Tumhare karam ka hai Noori bhi pyasa Mile yam se is ko bhi nam Ghous-e-Azam