Seraab Tajjali Mein Mere
Muzaffar Warsi
Sairab-e-tajalli mein mere tarse hue nain, ay Sayyid-e-Konain Ek baar utha dijiye yeh parda-e-mabein, ay Sayyid-e-Konain
Maqsood-e-talab jaan-e-dua, musleh-e-batin har saans ke mohsin Surkhab-e-tawan, khunki-e-jaan, roshni-e-ain ay Sayyid-e-Konain
Hain aapki tareekh-e-risalat ke nawshte, jin hon ke farishtay Ek aap ki aawaz-e-qadam zevar har zain ay Sayyid-e-Konain
Dharti ho ke aflak sabhi aap ka Aaqa ﷺ maftooha ilaqa Jughrafiya ghar aap ka, darwaza hain qutbain ay Sayyid-e-Konain
Kar aaye sar-e-arsh bhi deedar-e-Ilahi, aap ﷺ us ki gawahi La-raib ke tanha bhi hain majmua-e-noorain ay Sayyid-e-Konain
Chamke meri qismat meri manzil mera jada, heeron se zyada Choome jo musalsal mera sar aap ke na'lain ay Sayyid-e-Konain
Utne hi fida hain dil-o-jaan tum pe hamare jitne tumhein pyare Charon khulafa, ahl-e-haram, dukhtar-o-Hasnain ay Sayyid-e-Konain
No Internet? No Problem! Get the App for Offline Lyrics!
Har waqt duroodon ka Muzaffar hua aadi, kuch aisi hawa di Jab tak na ho yeh rabta, aata hi nahin chain ay Sayyid-e-Konain
