Sayah Bhi Mera Chal Nahi Sakta

Saaya bhi mera chal nahi sakta mere aage Quran mere hathon pe hai Aaqa ﷺ mere aage

Lamhay ki tijori mein hain sadiyon ke jawaahir Maazi ki tarah chalta hai farda mere aage

Panghat pe Muhammad ﷺ ke khara rehta hoon shab bhar Paani bhara karta hai savera mere aage

Parhta hoon to aankhon se chimat jaate hain alfaaz Deebacha-e-mehshar hai yeh duniya mere aage

Jab Aap ﷺ ke raastay ka safar main ne kiya hai Deewar ne bhi rakh diya kaandha mere aage

Itna dar-e-sarkar se sairaab hua hoon Darya bhi nazar aata hai pyaasa mere aage

Download Lyrics & Access Offline - Install Our App Now!

Tanha to na tha main safar-e-ishq-e-Nabi ﷺ mein Rasta bhi muhafiz ki tarah tha mere aage

Umeed mere khauf pe haawi hai Muzaffar Peechay hai mere maut Maseeha mere aage