Sarwar e Konain o Makan

Sarwar-e-kon-o-makan khatm-e-rusul Shah-e-zaman Teri dehleez pe kham hai meri iqleem-e-sukhan

Kholta hoon jo zaban teri sana khwani ko Choom lete hain farishte meri peshani ko

Tere sooraj ki kiran Ghar-e-Hira se phooti Nakhat-e-gufta-e-haq teri sada se phooti

Stop Wasting Storage - Download Lyrics in Lightweight Text Format!

Aadzi daur mein tauheed sarai karne Ek insaan bhi aaya tha khudai karne

Aadamiyat ke chaman reit ke teelon pe khile Pyaar ke phool adawat ki faseelon pe khile

Aisa Ummi ki diya jis ne nisaab-e-aalam Khench di tere ghulamon ne tanab-e-aalam

Imtiyaz-e-nasab-o-rang mitaya tu ne Ek aaine mein har aks sajaya tu ne

Reza reza wahi aaina is ummat ne kiya Shikwa taqdeer ka har toot-ti surat ne kiya

Bhai ka bhai ne khoon hans ke bahaya kaise Gosht insaan ka insaan ne khaya kaise

Kab tere saath ise pyaar ka dhab aayega Tera darya-e-karam josh pe kab aayega

Phir musalman qabeelon mein bata jata hai Tham ise Sarwar-e-Deen tham, gira jata hai