Sarwar-e-Deen Ki Gadai Wah Wah

Sarwar-e-Deen ki gadaai wah wah Shahr-e-Taibah tak rasaai wah wah

Allah Allah khush naseebi ka urooj Raat din midhat sarai wah wah

Sarwar-e-Kounain ke aazaaz mein Dast-e-basta hai khudaai wah wah

Roshni mein dhal gayi hain zulmaten Aye zahoor-e-Mustafai! wah wah

Offline Lyrics Anytime, Anywhere - Download the App Today!

Ahl-e-mahshar dekh kar hairan hain Hum ghulamon ki rahaai wah wah

Lab pe aana tha durood-e-paak ka Ho gayi dil ki safaai wah wah

Peer-e-kaamil ki khudaya khair ho Mai hamein aisi pilaai wah wah

Tarjuma Shahzad Ashkon ne kiya Naat aankhon ne sunaai wah wah