We've added ads to help keep the platform running and improving for you.

Sarkar Phir Madine MeinNot Verified

Muhammad Ilyas Atar Qadri

Sarkar phir Madine mein Attar aagaya Phir aap ka gada Shah-e-Abrar aagaya


Tum bakhshwa do har khata sadqa Hussain ka Umeed-e-maghfirat pe gunahgar aagaya


Raazi hamesha ke liye ho jaiye Shaha! Yeh daimi raza ka talabgar aagaya


Hoti hain raat din yahan rehmat ki barishen Bakhsha gaya jo Taiba mein badkar aagaya


Daulat ki taaj o takht ki aaqa nahi talab Tum se faqat tumhara talabgar aagaya


Is ki balayen tal gayin gham door hogaye Jo koi dar pe be-kas o lachar aagaya


Aaqa gham-e-Madinah mein be-haal kijiye Har koi dekh kar kahe bimar aagaya



No More Screenshots! Save Storage with Our Lyrics App!

Get it on Google Play


Dil be-qarar do mujhe aankh ashkbar do Yeh bheek lene dar pe main Sarkar aagaya


Soz-e-jigar ata karo seena figar do Yeh bheek lene dar pe main Sarkar aagaya


Ae kaash! yaad mein teri rona naseeb ho Yeh bheek lene dar pe main Sarkar aagaya


Marz-e-gunah se mujhe de dijiye shifa Yeh bheek lene dar pe main Sarkar aagaya


Mujh ko Baqi-e-Paak mein do gaz zameen do Yeh bheek lene dar pe main Sarkar aagaya


Hai zair-e-Madinah shafaat ka mustahiq Yeh bheek lene dar pe main Sarkar aagaya


Aasi pe kijiye karam ae Shafe-e-Umam Attar maghfirat ka talabgar aagaya

Download Lyrics & Access Offline - Install Our App Now!

Get it on Google Play

midhah-logo-grey© 2026 Midhah