Sare Nabiyon Ka Sarwar

Saare nabiyon ka sarwar Madine mein hai Sab rasoolon ka afsar Madine mein hai

Lutf-e-jannat se barh kar Madine mein hai Meethe mehboob ka ghar Madine mein hai

Kya hawa bhi mu’attar Madine mein hai Sab faza bhi munawwar Madine mein hai

Kar ke hijrat yahan aagaye Mustafa ﷺ Roshni aaj ghar ghar Madine mein hai

Jaante ho Madinah hai kyon dil-pasand Donon aalam ka sarwar Madine mein hai

Saare deewane betab hain is liye Shah ki qabr-e-anwar Madine mein hai

Noor ki dekho barsaat hai chaar su Kya samaan kaif aawar Madine mein hai

Hajro furqat ke beemar ko le chalo Rahat-e-jaan-e-muztar Madine mein hai

Door reh kar hai veeran si zindagi Maut bhi kaif aawar Madine mein hai

Hai Madine ka rutba bara khuld se Kyon ke mehboob-e-dawar Madine mein hai

More Lyrics, Less Storage - Install the App and Ditch the Screenshots!

Maaldaro! na itraao tum maal par Un ka mangta tawangar Madine mein hai

Apni manzil ko paalo ge aajao tum Bhoole bhatkon ka rahbar Madine mein hai

Bhool jaoge Paris ki sab raunaqein Woh samaan rooh-parwar Madine mein hai

Dushmanon! mat akela samajhna mujhe Mera haami o yawar Madine mein hai

Aao isyaan-shi’aro nahaalo yahan Rehmaton ka samundar Madine mein hai

Hashr mein jaam-e-Kausar ki hai gar talab Aao Saqi-e-Kausar Madine mein hai

Aao aao gunahgaro aa jao tum Shafi’-e-roz-e-mehshar Madine mein hai

Aye shafa’at ke ummeedwaro! chalo Shafi’-e-roz-e-mehshar Madine mein hai

Tum shafa’at mein shak mat karo zairo Shafi’-e-roz-e-mehshar Madine mein hai

Chal Madinah wuhi ho sake jis ka dil Ghar mein reh kar bhi aksar Madine mein hai

Chal Madinah ke deewano! muzdah suno Jald har ba-muqaddar Madine mein hai

Sabz gumbad ka Attar manzar to dekh Kis qadr kaif aawar Madine mein hai